Plantas e Flores

Ampla variedade de plantas de Interior, tanto para a decoración do fogar coma para comunidades veciñais, obra civil, etc.

En canto á planta de exterior, nas nosas instalacións encontrará gran variedade de planta, entre as cales están: especies de arbustos para a realización de sebes, arbustos de folla perenne e de folla caduca, planta de tempada, árbores froiteiras, árbores ornamentais, palmáceas, plantas aromáticas, rubideiras, plantas para borduras, coníferas, roseiras, etc.

Dispoñemos tamén de planta forestal, tanto Eucalipto como Piñeiro, en distintas variedades.

 

Nas nosas tendas atopará tamén flor cortada natural ou seca para que vostede poida realizar os seus arranxos florais.

 

Poñemos ó seu dispor gran variedade de sementes, en sobres hortícolas (tanto de flor coma de planta hortícola), así como sementes de plantas forraxeiras, sementes de pradarías e de cereal (máis orientado ao sector gandeiro) e, como non, gran variedade de sementes de céspede para o seu xardín. Poderá escoller á súa vez entre un amplo abano de bulbos para o seu xardín, tanto de primavera coma de outono. Nesta sección comercializamos as seguintes marcas: Fitó, Rocalba, Eurogarden, Kapiteyn, Batlle e Vilmorin.

Dispoñemos tamén de criadeiro hortícola: pemento, tomate, cebola, leituga, allo porro, repolo, cabaciña, etc.